Inicio - Alumni Universidad de Vigo

Pensaches en reunirte coas amizades da universidade?

Dentro da comunidade atoparás os teus antigos compañeiros e compañeiras universitarios. Poderás volver establecer o contacto, velos e, por suposto, lembrar cada unha das experiencias compartidas no pasado.

Xuntos o noso futuro será mellor

Manter o contacto cos antigos compañeiros e compañeiras é importante para abrir novas fronteiras e mirar cara ao futuro. Cantos deles buscan xente do teu perfil? Cantos terán empresas coas que colaborar? Abrimos este espazo para que te beneficies destas sinerxías.

Necesitas o apoio e a axuda de alguén?

Velaquí a túa oportunidade. Desde alumni-UVigo podes contactar con persoas expertas interesadas en proxectos e con profesorado que resolva as túas dúbidas no lugar de traballo ou no campo técnico. Un mundo de experiencia e de sabedoría para ti. Vas deixalo escapar?

Que e a comunidade alumni-UVigo?

A comunidade alumni-UVigo é un servizo creado en febreiro de 2021 pola Universidade de Vigo co obxectivo de xerar un novo espazo de comunicación que permita non só manter activo o vínculo entre a institución e as persoas que nalgún momento mantiveron con ela unha relación académica ou contractual, senón tamén dentro do propio colectivo. Para acadar este obxectivo, facilitaremos a realización das colaboracións que atendan a intereses comúns, impulsando a presenza desta comunidade na universidade e fomentando o valor e o orgullo de pertenza.

Estamos desexando volver verte. Queremos escoitar as túas suxestións e as túas inquedanzas e informarte das nosas actividades. Tamén che ofrecemos servizos e propostas para sentirte parte desta comunidade.

Historia

A comunidade alumni-UVigo é un proxecto novo pero non por iso comezamos a andar en soidade!
Para situar os antecedentes desta comunidade, debemos remontarnos ao ano 1997. Foi entón cando se creou a Asociación de Amigos e de Antigos Alumnos da Universidade de Vigo, co obxectivo de impulsar e de favorecer os lazos entre a sociedade, o tecido empresarial e a nosa universidade. A día de hoxe esta asociación continúa a súa actividade con José María Franco García á cabeza e máis de cen persoas asociadas que participan activamente nas súas actividades.
No ano 2016, case vinte anos máis tarde, comezou unha iniciativa pioneira en España, o Observatorio das Persoas Tituladas da Universidade de Vigo, liderado polo primeiro reitor, Luis Espada Recarey. Creouse co fin de manter unha canle para continuar coa elaboración de estudos de seguimento da inserción laboral do antigo alumnado. Así, este observatorio permítenos dispor dunha información actualizada, fiable e útil para a toma de decisións no ámbito da Universidade de Vigo.
Sen ningunha dúbida, estas iniciativas, ao igual ca a comunidade alumni-UVigo que agora comeza a súa andaina, naceron e creceron grazas ao apoio incondicional do Consello Social da Universidade de Vigo. Desde a súa constitución no ano 1995, o Consello Social leva apoiando e incentivando estas e outras iniciativas co fin de contribuír de maneira eficaz ao desenvolvemento social, profesional, económico, tecnolóxico e cultural de Galicia.

Se es alumni da Universidade de Vigo, agardámoste!

Es titulado ou titulada pola Universidade de Vigo? Xenial! Xa formas parte da nosa comunidade alumni. Só tes que rexistrarte para gozar de todas as vantaxes.

Participaches nalgún programa de mobilidade? Aínda que te graduaras noutra universidade, se algunha vez estudaches na Universidade de Vigo, tamén podes unirte á nosa gran familia.

PDI: se pertences ou pertenciches ao noso persoal docente e investigador, podes ser membro da nosa comunidade alumni.

PAS: es parte do noso colectivo de persoal de administración e servizos? Convidámoste a unirte a este grupo para formar entre todos e todas unha gran familia.

Goza das vantaxes de formar parte da comunidade alumni-UVigo

Formación integral

A formación integral é un dos compromisos que adquire a universidade. Por este motivo ofrecémosche unha formación continua para satisfacer as túas inquietudes intelectuais e persoais unha vez que saias da universidade para que continúes aprendendo e esteas ao día. Ademais de ofrecerche formación oficial de posgrao, na Universidade de Vigo dispoñemos dunha oferta formativa variada e atractiva de títulos propios para profesionais de distintos sectores.

Accede ás instalacións deportivas

En cada un dos nosos campus podes atopar instalacións e múltiples actividades deportivas para desenvolver a actividade física que máis che gusta: actividades dirixidas, escolas deportivas, actividades no medio natural, rutas culturais, campionatos…, co abono mUVer ou como usuario/a ocasional do servizo.

Mellora as túas habilidades lingüísticas

Accede a cursos de linguas ofrecidos polo Centro de Linguas con prezos especiais por ser parte da comunidade. A oferta inclúe a aprendizaxe e a mellora do inglés, alemán, francés, chinés e portugués. Ademais poderás realizar exames oficiais de acreditación de nivel CertAcles, exames propios do Centro de Linguas, DELE (Instituto Cervantes), TOEFL e HSK…

Apoiámoste no eido laboral

Atopa o apoio que precisas na elaboración do teu itinerario persoal de busca ou mellora de emprego, orientación na análise e no traballo coas ferramentas necesarias para acceder aos procesos de selección, tales como o currículo, cartas de presentación, protocolo para entrevistas de selección de persoal, probas psicotécnicas etc.

Acceso aos recursos da biblioteca

Fai uso del amplo conxunto de recursos de información dispoñibles, así como dos espazos e servizos para facilitar o emprego deses recursos e dar soporte ás túas actividades de aprendizaxe e de desenvolvemento profesional. Este servizo está presente nos tres campus a través dunha rede formada por once bibliotecas.

Apoio no teu emprendemento

Dende a Universidade de Vigo pomos á túa disposición un servizo de apoio á creación de empresas, mediante o cal persoal técnico especializado en emprendemento poderá axudarche a madurar a túa idea de negocio.

Apoio á cultura

Co obxectivo de impulsar a creación de redes de colaboración e fortalecer o tecido cultural, a universidade ofréceche unha programación cultural innovadora, acorde cos tempos e plural que recolle multiplicidade de expresións artísticas: obradoiros, cursos, concursos, seminarios ou xornadas relacionadas co teatro, cine, literatura ou arte.

Consigue e oferta emprego

Poñemos á túa disposición o servizo de ofertas de emprego e de prácticas, ben para facilitarche que atopes o emprego que buscas, ben, se tes unha empresa, para achegarte ás titulacións da Universidade de Vigo e que poidas coñecer e contratar os e as profesionais que máis se axusten ás túas necesidades.

Forma parte da rede nacional de alumni

Por ser usuario ou usuaria da comunidade alumni-UVigo, tamén formas parte da Federación Alumni-España, a cal integra máis de corenta asociacións de antigos alumnos/as e amigos/as das universidades españolas, escolas de negocios e mesmo diversas asociacións de persoas egresadas universitarias radicadas no ámbito hispanoamericano.

E se aínda dubidas... Poñémoste en contacto con todos os teus compañeiros e compañeiras alumni!

En canto entres a formar parte de alumni da Universidade de Vigo, terás acceso á nosa ferramenta de rede social. Será unha rede privada, creada só para vós.

Nela podes ter contacto directo con outras e outros alumni e coñecer quen poida ser do teu interese. Será un espazo aberto, respectuoso e de interacción para o beneficio mutuo.

Ademais, e como parte da dinamización desta rede, terás acceso a novas de interese, grupos con obxectivos comúns e rexistro en eventos promovidos pola alumni-UVigo ou pola propia Universidade de Vigo.

Ademais da nosa rede social, haberá colaboracións entre os perfís e os roles asumidos por algúns dos e das alumni. Experto/a, mentor/a, anfitrión/oa, embaixador/a, mecenas ou patrocinador/a son algúns dos roles cos que poderás actuar ou gozar dentro do alumni. Non é obrigatorio pertencer a ningún destes colectivos, pero si é unha gran vantaxe ter xente con grande experiencia e poñela a disposición dos e das alumni:

Contarás coa axuda de persoas expertas técnicas e profesionais.
Podes ter mentores/as á túa disposición.
Se vas a outro lugar, sempre atoparás calquera alumni disposto a recibirte.
Poderás participar en mecenado coa universidade.
Poderás promover a túa empresa en eventos alumni.
Poderás representar e darlle visibilidade á universidade noutras cidades e países.

1º ENCONTRO E ENTREGA DE PREMIOS ALUMNI-UVIGO 2022

Encantaríanos que volveses á que foi a túa casa na época de estudante. Por iso, este 13 de xullo as 18.30 horas organizamos a primeira edición da gala dos Premios alumni-UVigo, pero farémolo dun xeito especial.

O evento consistirá na entrega de premios Alumni-UVigo 2022. Ao finalizar, grazas ao apoio dos nosos patrocinadores, gozaremos duns petiscos riquísimos na “alumni-UVigo food truck” e crearemos un espazo onde poder reencontrarche con antigas amizades e profesorado. Como colofón final, gozaremos dun concerto que promete ser o broche de ouro a unha xornada chea de vivencias!

REXÍSTRATE AO ENCONTRO

Como me fago alumni-UVigo?

Para darche de alta como Alumni-UVigo deberás cubrir un formulario ao que podes acceder desde o botón inferior. Pediráseche que aceptes a normativa e a política de privacidade da Comunidade Alumni- Uvigo.

Cos datos que introduzas poderemos comprobar se es membro de dereito do noso alumni.

Unha vez verificada a túa identidade como membro da Universidade de Vigo, recibirás no teu correo electronico unha confirmación de admisión.

Desde ese momento poderás completar o teu perfil, entrar na rede social para interactuar con outros alumni rexistrados e usar a acreditación que che recoñece como Alumni-UVigo para todos os efectos.

Os nosos e as nosas alumni están ansiosos por comezar...

Por suposto que creo neste proxecto, de feito considero que xa tería que estar en marcha fai tempo. Eu coido que un alumno que pasar por unha Universidade e acada unha titulación debería seguir sempre vinculado a esa Universidade, de feito eu sempre me seguín considerando vinculado e en parte como algo de propiedade mancomunada da que eu tiña un pequeno anaco.

Me parece un proyecto realmente interesante, y muy basado en la filosofía de las universidades más punteras de Estados Unidos…Contad con mi colaboración en aquello que podaís necesitar, verdaderamente me apasiona mi trabajo y poder compartir experiencias es muy gratificante.

Estaría encantada de poder pertenecer a esta nueva comunidad. Podría aportar mi experiencia desde que me he diplomado como enfermera en el 2000, posterior salida al extranjero para trabajar (Italia y Francia) y todos los obstáculos encontrados a mi vuelta a España en el 2007. Estos son los que me han llevado a dejar de lado temporalmente mi carrera profesional como enfermera y centrarme en el desarrollo de una pequeña empresa del mundo de la restauración.

Quiero daros la enhorabuena por el lanzamiento del proyecto Comunidade Alumni-UVigo que fortalecerá la interrelación entre la Universidad y la sociedad. Es importante atraer talento al campus, motivar al alumnado y hacerlo protagonista de la realidad empresarial. Las empresas deben centrar su interés en las oportunidades que la Universidad les puede brindar. Además puede ser el centro de un coworking de alto nivel en nuestra ciudad.

Contacto

[contact-form-7 id=”4733″ title=”inicio-gl”]